((لاتصدقون )) من اشعاري

[7m o o d]

السلام عليكم

هذي وحده من قصايدي خنقول محاولاتي

ان شاء الله تعجبكم


((لاتـــــصــــدقون،،))

لاني بشاعر الالف ولاني بشاعر المليون

ولاني شاعر شيوخ ولاني بالشعر توي مفطوم

انا شعر قلبي دليلي مثل الكفن في لحظه دفون

ومثل طفلن راح للمدرسه وعلى شوفه امه ياناس مجنون

ودي اشوفه اليوم حتى لو يكون هو سجان وانا المسجون

لكن هو لحس فيني ولايدري عني ان كنت عايش او مدفون

انا عطيته كل قلبي وعطيته كل شي بس شسوي يعالم يتغلون

من حقه يتغلى وعليه الغلا ياناس مزيون

لكن المشكله لين زاد التغلي عنده وصار بالغرور ياناس مدهون

ياشن الغرور هذي كلمه مايختلف عليها من البشر ثنين

لكن الغرور مختلف تماما عنده فالغرور معناه واحد منه يساوي ستين

لكن عندي حبيبي واحد مننا يساوي منه الفين

ماني بقاصد انه فوق الناس وعليهم صاير مرض او طاعون

بالعكس صاير عسل وداء لكل شاين او مشيون

لو ان بجماله مليونين او ان جماله يوزعون الحين

ماكان اضطر سلطان يتزوج مسيون

ولكنو الشباب على جوفه هيفا يتلهفون

هي مب حلوه بس شويه نفخ وشويه معجون حشى مب بشر ياناس بالون

يمكن اكثركم مايصدق ان في وحده بهالعصر وبهالجمال منها

القمر والنجوم يغارون صدقوني ياناس حلفه بالله لاتصدقوني

هاصدقتوا ولااقول عمركم

لاتـــــــصــــــدقـــــون



ويالله الي بيبي ينتقد حياه بس بدون تحطيم هههه

تحياتي:em3770:

[شباصه]

!|[ حمود قطر ]|!

صــح لــساانكـ

كلمات ولا اروع

:em3600:

تسلم

!|[ شباصه ]|!

[لبيـهَ آمـآرآتيّ }῟]

السلام عليكم

.
.

ماشاء الله عليك خويه مبدع ف عدة مجالات

اتمنى نشوف ابداعاتك الثانيه والخاطره روعه

الله لايحمنا من تواجدكم خويه

.
.

تحياتي لك

[أدركت القـ م ـر]

http://www.diuae.com/up/uploads/f06b659d56.gif (http://www.diuae.com/up)


¤ حمـ قطر ـود ¤






ما شاء الله على أهل قطر منورينـا ^^
ما عليكـ قصور شاعرنا في نثر قصيدتك
ولكن نصيحتي لكـ تهتم بالأوزان دايماً.. وتتحقق
من إنه عدد الجزء الأول من البيت يشابه عدد الجزء الثاني
عشان يكون له حس موسيقي أكثر .. هذا نقد بناء
وان شاء الله ما يكون فيه أي تحطيـم ^-^


وبالتوفيق لكـ أخويهـ .. ونتمنى لك المتابعهـ








¤ أدركت القـ م ـر ¤


http://www.diuae.com/up/uploads/816b05126a.gif (http://www.diuae.com/up)

[7m o o d]

مشكوره شباصه على مرورج الروعه

واختي صدى مشكوره على مرورج الحلو

والكلام الاحلى منج


واختي ادركت القمر مشكوره على كلامج الاكثر من رائع

ولافيها تحطيم ولاشي الغاليه كلامج صحيح

وفي محله وان شاء الله راح يكون القادم افضل

تحياتي

[ياويل حالي]

وعليكم السلام ورحمة الله

يامرحباا الساااع ملايين بـ أهل قطر

صح لسانك ملايين على هالمنطوق الحلووو

والصراحه اختيار موفق للكلمات والمعاني روووعه :em3600:

ومثل ماقالت الاخت ادركت القمر وبدون زعل عليك بالوزن يالشيخ

ربي يعطيك العاافيه ويوفقك ان شاء الله

ولاتحرمنا من يديدك القادم

والسموووحه منك

[الفتى المدلل]

في البدايه أشكرك عزيزي على الابيات الرايعه


وخصوصا يوم ذكرت هيفاء


وعن الوزن الي تكلمت فيه الاخت أدركت القمر كلامها صحيح

لابد إنك توازن بين الشطر الاول والشطر الثاني في كل بيت

وتكون القافيه على حركه وحده يعني شفنا في بداية الشعر

كانت القافيه ساكنه وما قبلها مضموم بالواو ولكن في كم بيت القافيه

كانت ساكنه لكن الي قبلها كان مجرور بالياء فلابد من توحيد القافيه

في الشعر العامودي والي هو نوع الشعر الي انت كتبته


ولكن محاوله رايعه منك أخوي

حاول وإن شاء الله نشوف إبداعك المره اليايه 10 على 10

["ديــ دبي ــم"]

كلمــات راائــعه
و قصيــده مميـزه عـن " الغـرور "

بـ الفعـل " التواضـع " مهـم !!
و يجــب على الجميـع ان يلتـزم " التواضـع "
في التعامل مع اخريــن مهمـا بلغـت نجاحاتـه !!

تســلم اخويــه ع الكلمـات المميــزه
ربي يعطيكـ الف عافيــه

في انتـظار يديدكـ

[7m o o d]

مشكورين

اخواني وخواتي على مروكم وكلامكم العسل نفس مروركم:em3600:

واكيد كلامكم على العين والراس

وان شاء الله تجوفون الاحسن والافضل

تحياتي

[الونيس]

تسلم أخويه والله يعطيك العافيه وجزاك الله خير
ونتظر جديد

[7m o o d]

وياك ان شاء الله

تسلم اخوي على المرور

تحياتي