[ مهــم ]

[AD GHOST]

.
.

السلام عليكم ورحمة الله وبركاته

اممم .. يمكن هالموضوع شوي غريب .. و بصراحة ترددت وايد قبل ما اكتبه ..
لكن والله ثم والله .. اني اكتبه لمصلحة الجميع .. ولمصلحة منتدى " ضي الإمارات " ..

اعضاءنا .. اللي لاحظته في الفترة الماضية من وجودي في قسم التصوير ..
ان مستوى التصوير عند الاعضاء متدني جــدا ..
وياريت لو يت على سوء استخدام الكيمرة ..
ولكن بعضهم اييبون صور من تيلفوناتهم ويحطون الصور ..
انا مب ضدهم .. ولا اني اقولهم لا تعرضون صوركم ..
بس مش هذا هو " التصوير " ..

شخصيا مستعد اعطي دروس في التصوير ..
واساعـــد وايــدين في هالمجــال .. ولكن .. أبا عدد كافــي عشان ابدأ بالدورة من اليوم بعد ..
بس نبــا همة .. ونبــاكم تاخذون الموضوع بشـــكل جدي ..

أنا ييت كتبت الموضوع لاني اشوف المستوى المتدني في هالمنتدى ..
وقلت عالأقــل بحــاول اساعد اعضـــاءنا قد مــا أقدر .. وفي النهــاية انا بفيد أعضاء منتدى عزيز علي ..
اتمنــى يا أعضــاءنا .. ان نرتقي شوي في التصــوير وانشــوف صور المحترفين عسب نتعلم منهم ..
مش انيي وانحط اي صورة عشان نعرض وبس ..
خلوا هدفكم من المواضيع هي الاستفـــادة .. وتقبــل النقــد البنــاء ..
واللــي يرد عالمــواضيع .. خل هدفــك انك اتفيد صاحب الموضوع بالتشجيع أو بالنقد البناء ..
واذا ما انتقدته وانت اتعرف ان الصور مب عاجبتنك .. ليش اتشجعه واتخليه يستمر عالغلــط ..
الهدف من المنتدى هو اننا انشجع اصحاب الكفاءات ..
واذا كان عندهم اخطاء نشردهم وانبعدهم عن اخطــاءهم ..

ربي يوفقكـــم .. واتريـا اشوف اسمــاء اللي يبون يشــاركون في دورة التصــوير ..
اذا حابين اني اسوي دورة في التصوير .. واذا وافقت الإدارة على هالشــي ..

.
.

AD GHOST

[احساس]

هلا شبح بوظبي

فيك الخير والله ..

انا وحدة من الناس احب التصوير وايد ..

وفي اشياء ما اعرفها في ضبط الكيمرة ..

اتمنى احترف التصوير بالطريقة الصحيحة..

واذا في دورة تصوير انا مستعدة اشارك فيها ..

تحياتي لك اخوي ..

[Ghaith_Sa7aB]

تسلم والله وفيك الخير اخويه

اتمني انك تعطينا دروس وتفيدنا وتفيد كل من يهوا التصوير

وانا اول المشاركين فيها الدوره .



اعضاءنا .. اللي لاحظته في الفترة الماضية من وجودي في قسم التصوير ..
ان مستوى التصوير عند الاعضاء متدني جــدا ..
وياريت لو يت على سوء استخدام الكيمرة ..
ولكن بعضهم اييبون صور من تيلفوناتهم ويحطون الصور ..
انا مب ضدهم .. ولا اني اقولهم لا تعرضون صوركم ..
بس مش هذا هو " التصوير " ..



انا وياك في هالنقطه وفيه اقتراح عشان ما نجحف حقهم في المشاركه انه يكون في اقسام للتصوير

قسم للتصوير الكاميرات الاحترافيه

وقسم للتصوير باجهزة الهاتف

وممكن اضافة قسم للدروس التصوير


يمكن هذا ما يبطق الحين طبعا لقلة الاعضاء لكن ممكن يصير عقب




تسلم وماتقصر اخويه على المبادره الطيبه منك

وربي يعطيك العافيه وفي انتظار دورة تعليم التصوير منك


لاعدمناك يارب

[_{ قلب العاصمـهـ }_]

http://fantasyflash.ru/grafic/line/image/line99.gif




:[ AD GHOST ]:




أولاً حبيت أشكرك جزيل الشكـر على هذا الاهتمام

وطرح هذا الموضوع يا مبدعنااا في التصوير :lool:

ما كان يبالـهـ تتردد ،، :em00010:

انا شخصياً من هواة التصوير بس الوقت يحيل بيني وبينـهـ

عندي كيمره بس ما استخدمها وايد

ومع دورتك باذن الله بتشجع وبستفيد

انا موافقـهـ على طرح الدوره

وان شالله الكل يستفيد منها ويتعلم اساسيات التصوير

مش بس مثل ما قلت ايون ويحطون صورهم وهم قادرين على ان يصورون احسن عن جيهـ



يزاك الله خيــر والله



شجــــــــــراً لكـ



http://fantasyflash.ru/grafic/line/image/line99.gif

[شباصه]

يزاك الله خير

وانا معاكـ

بس مثل ما قالت امااراتيه لو يسوون الادارة

قسم للتصوير الكاميرات الاحترافيه

وقسم للتصوير باجهزة الهاتف

وممكن اضافة قسم للدروس التصوير

[.[ نورٌ في الظلامـ ].]

×

مــرـرـرحـبـًٍـ**ــ**ــ**ـآ بـًٍجـ ج آلغـآلـ#ـيـهـًٍ

.
.

.[ شًِْبٌَِحٍّ بٌَِوٍظْبٌَِيَ ].

.
.


×




يزاك الله خير وربي يعطيك العافيه ..

:em3600:

أنا وحده اعشق التصوير .., والحمدالله انا كنت مشاركه في كم معرض .. ^^ ..وعطوني دعوه عشان اشارك في نادي الامارات بس المشكله انه بعيد عنا فيالشارجه واعتقد انه خلط .. ><
حتى اللي في دبي كلهم خلط .. >والله حاله .. :em1200:
عسب جي ماشي مجال اني اخذ دورة في أي معهد للتصوير
:em4400:
وقبل اسبوع شريت كيمرا ماعرف فيها ولا شي لوول مضيعه
ماعرف استخدم شي فيهاا .., :em3700: تفر الرااس فر

\
\
\



وانا الصراحه فخاطريه اعرف فن التصوير بكل مافيه ..واتمكن منه ..^^

وان شاء الله بشارك في الدوره اللي بتسويها بأذن الله
وبتعلم فن التصوير بالطريقه الصحيحه على يدك ان شاء الله

ربي يوفجك




×

.
.

أختكـ
.[ نْوٍرٌٌٍ فْيَ آلظْلآمً ].

[لبيـهَ آمـآرآتيّ }῟]

السلام عليكم

.

..[ شبحـكـو و ]..

.

اخـو غنـي عن التعريـف من ناحيـة التصـوير

ومثـل ماقلــت خويهـ انـه فيـه فرق فـ التصـوير

وانا ماعنـدي مانـع فـ فتح القسـم ولـكن ..

هـل انت مستعـد انكـ تجابله خويه ؟

لانه مايستوي نفتح ونخليه بدون مجابل

سؤال ثاني هممم تحس انه نطرح الدوره احين

ولا نصبر عسب نشوف عدد الاعضاء اللي يبون ؟


.
.

.. اشكـرك ع اهتمامك .. وشي مش يديد عليك ..

.
.

تحياتي لك

[أدركت القـ م ـر]

http://www.diuae.com/up/uploads/f06b659d56.gif (http://www.diuae.com/up)


¤ شبح بوظبي ¤

يا هلا ومرحبـا والله
أحييك ع الروح الطيبّـهـ .. والاهتمام بالاعضاء
وهذا هـو المطلوب من كـل إنسـان له خبره في مجال معين
إنه يستفيـد ويفيد غيرهـ .. وإنت خير دليل لذلك
الله يعطيكـ العافيه
وتوكل على الله ونحن ويـآآكـ يا الشيخ
وانا بكون حريصه ع ها الدورهـ لاني احب اتعلم الجديد دايماً..
وإن شاء الله الكل يستفيد من موضوعك في ها المنتدى
حتى المبدعيـن ^.~
شكــراً لكـ يا أميـر التصوير




¤ أدركت القمــر ¤
http://www.diuae.com/up/uploads/816b05126a.gif (http://www.diuae.com/up)

[بنت المرر]

السلام عليكم


ماشاءالله عليك شبح بوظبي


والله ماقصرت في طرحك الموضوع


وتفيد الاعضاء بخبراتك ..


وايدين يحبون التصوير ويبون يتعلمون

[» ضـي الإمـاراتــ }¬]

http://www.3tt3.net/up/uploads/1Xa74178.gif



آخر وحده وصلت هههههه

اول شي احب احييك اخويه على الموضوع الرائع

كلامك صحيح وانا وياك

اذا بنسوي دورات تعليميه للاعضاء بيكون شي طيب

وبما انك اقترحت وعرضت تتولى هالمهمه

انا ماعندي مانع وموافقه

شوف الوقت اللي يناسبك وخبرني

لانه حاليا المسابقات وجيه وماعرف اذا بيكون في اقبال على الدورات

اتمنى تحدد وتراسلني

وشكرا لك على الاقتراح الجميل واللي يدل على اهتمامك

تحياتي لك


http://www.3tt3.net/up/uploads/ej774110.gif

[ام زايد]

هلا اخوي
اسمحلى احييك على هذا الاقتراح وعلى التصنيفات اللي اقترحت انها تصنف الصور على اساسها
واضسق ان لابد من ان هناك تصنيف لصور المبدعين.. اللي فيها افكار حلوة وجنونية شوي.. وصور توثيقية للاعضاء.. وهي اللي تصور خلال حدت معين او سفر اوما شابة.. وصور الهواتف المحمولة
اتمنى تقبلني طالبة في صف التصوير الفوتوغرافي
تحياتي

[AD GHOST]

back

مشكورين جميعا عالردود الطيبة
وفيكم الخير ..

يالس افكر جديــا في الدورة التصويرية حاليا
وابا اسويها بحيث انها تختلف عن أي دورة سابقة
وفي اي منتدى ثاني

وبرتب ويا الادارة بهالخصوص ..

شكرا لكم ^_^

[SNIPER]

الله يقويك اخوي واذا تبي اي مساعده حاظرين

واعتبرني من الي مسجلين

[Ghaith_Sa7aB]

عساك على القووة اخويه

وفي انتظار دورتك بفارغ الصبر


لاهنت يارب

[مطلع الشمس]

السلام عليكم ورحمة الله
دائماً متميز في طرح الأفكار الهادفه
شبح بوظبي استاذ في عالم التصوير
ومنك نستفيد
موفق دائماً وابداً

(:

[دار زايد]

يعطيك العافيه اخويه شبح بوظبي ع الموضوع المهم واهتمامك بالمنتدى واعضائه

انا عن نفسي احب التصوير بس ما عرف شي فيه و خاطري اتعلم

لووووووول


تحياااتي لك